Region Midtjylland nunatta peqqinnissaqarfiani sulisut sullisissarpassuinik nassiussisussanngorpoq.Assi: Jonas Løvschall-Wedel

Nunatta peqqinnissaqarfiani sulisut sullisissaat Danmarkimit nassiunneqalersut

Danmarkimi nunap immikkoortua, Region Midtjylland, Kalaallit Nunaata peqqinnissaqarfiani sulisut sullisissaannik nassiussissaaq.

DR taama allappoq.

Kiillit sullisillu Kalaallit Nunaanni napparsimmavinnut peqqissaavinnullu nassiunneqassapput.

Region Midtjylland nunatta peqqinnissaqarfiani sulisut sullisissaannik pilersuisumik nutaamik isumaqatigiissusiorpoq, taamaammat sulliserpassuarnik ajoquteqanngitsunik sinneqartoorluni. DR taama allappoq.

AAMMA ATUARUK Atortorissaarutinik allanik inniminniisoqartoq: Sineriammi coronamut misissuisoqarsinnaassaaq

Taamaammat Region Midtjyllandimi nakorsaasimasoq, avannaanilu nunap immikkoortuani maanna nakorsaq Peter Vedsted sullisit nunatsinnut nassiunneqarsinnaanersut apeqqutiginiarlugu Region Midtjyllandimut saaffiginnippoq.

Kalaallit Nunaatami peqqinnissaqarfiani sulisut sullisissaaleqqikkajuttarmata namminneq atisatik sullisigisariaqartaraat, Peter Vedsted oqarpoq.

- Napparsimasunik passussissagaanni eqqiluisaarnissamut malittarisassat malinneqartussaapput, arlaattallu pisariaqartinneqarlutik. Taava saaffiginnippunga, paasilerparalu sulisut sullisissaannut ilaatigut akissaalatsitsisoqarsinnaasoq, Peter Vedsted DR-imut oqarpoq.

Sullisit katillutik 2000-t, Region Midtjyllandimi napparsimmaviup errorsisarfianit Midtvaskimit, nunatsinnut containerit marluk atorlugit nassiunneqassapput.

Sullisit akeqanngillat nunatsinnullu sapaatit akunneri sisamat qaangiuppata anngutissallutik.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat