Assi: Roberto Fortuna Handout / AFP / Ritzau Scanpix

Nunatta oqaluttuarisaanera aalluni nungutinneqaratarsinnaasoq

Nunatsinni itsarsuarnisat silap allanngoriartorneranit aalerinartorsiortut. Nunatta oqaluttuarisaanera aalluni nunguleriartortoq, nalunaarutip takutippaa.

Silap pissusiata allanngoriartornera nunatsinni Issittumilu assigiinngitsutigut sunniuteqarpoq, silallu ataatsimut isigalugu kiatsikkiartornera pissutaalluni itsarnitsat eriagisassat nassaassaasut 30-t procentiisa 70-it procentiisalu akornanniittut annaasinnaavagut. Nalunaarusiap ippassaq sisamanngornermi saqqummersinneqartup tamanna takutippaa.

Vikingit nalaanneersut, Kalaallit Nunaannilu nunasisut siulliit nalaanneersut annaaratarsinnaagivut, Jørgen Hollesenip, Danmarkimi katersugaasivissuarmeersup, suliniummilu aqutsisuusup, oqaatigaa.

Immikkut ilisimasallit arlallit Nuup eqqaani qallunaatsiaqarfikut najugaqarfigisimasallu allat 2016-imili misissorsimavaat.

AAMMA ATUARUK Nalinginnaasumit kianneruvoq

- Silap kiatsikkiartornerata assersuutigalugu nunami nassaassanut sunniuteqaatigisinnaasai ilaatigut misissorpavut. Sila 2,5 aamma 5 gradit akornanni kiannerulissappat, nassaassaasut 30-t 70 procentiisalu akornanniittut asiullutik tammariartulissapput, Kalaallit Nunaatalu oqaluttuassartaanut pingaarutillit annaaneqassapput, Jørgen Hollesen oqarpoq.

Itsarnitsat nassaassaasut nunamit matoorussaasimasut silap kiatsikkiartorneranit eqqqorneqartarput. itsarnitsammi uumassusilinnit nerineqalersarput, taamaalillutillu tammariartulersarlutik

- Nutsat, saarngit, assigisaallu vikingit nalaanneersut tammariartussapput, Jørgen Hollesen oqarpoq.

Immikkut ilisimasallit misissuinerat, siusinnerusukkut misissuinernut sanilliunneqarsimapput, inernerillu takutippaat itsarnitsat nassaassaasut tammariartulereersut.

    /ritzau/

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat