Nunatta OL 2010-mut neriuutai

Ujakkaajutigalutik ooqattaasartartut nunatsinneersut Millaaraq Lennert aamma Uiloq Slettemark, nunarsuarmi pissartanngorniunnernut World Cupimut aamma VM-imut anngupput. Taamaalillutik 2010-mi Canadami ukiuunerani OL-eqarnissaanut tamaviaarlutik anngunniareerlutik anngunnissamut qanilliallapput.
Allattoq Louise M. Kleemann
januaarip 14-at 2009 07:06

Miillaaraq Lennert Uiloq Slettemarkilu ulluni makkunani Tysklandimiipput, illoqarfimmi Altenbergimi IBU-cup-ernermi peqataallutik.

Angusarissaarnermikkut Dansk Olympisk Committe-p, IOC-p aamma IBU-p –Vancouverimi 2010-mi OL-eqarnissamut piumasaqaatai anguaat, peqataanissartilli qulakkiissagunikku suli ataasiarlutik ujakkaajutigalutik ooqattaasarnermi unammeqataasariaqarput, tassani angusaasa pitsaassusiat apeqqutaajumaarluni.

Arnat taakku pallungallutik nikorfallutillu ooqattaasarnermi unamminerni ataasiaannarlutik uniuipput.

Angusaallu Biathlonertartut kattuffiata assut tulluusimaarutigaa.

- Paasigatsigu piumasaqaatit angusimallutigit, nuannaarnerup pianik pississaarlutalu nilliarsuataarpugut. Aammami sungiusarsuaareernikuugatta, Miillaaraq Lennert, inuusunnerni suli ujakkaartartuusoq tulluusimaaqaluni oqaluttuarpoq.

World Cup aamma VM Biathlonertartut peqataaffigisassaat Koreami qaammatip tulliani pissapput.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq