Nunatta nunavittaanut Qalasersuaq atassangatippaat

Qalasersuaq kalaallit nunaata nunavittaanut atavoq, taamatut isumaqarpoq ilisimatooq Canadamioq, qalasersuup nunamut sorlermut ataneqarnera pillugu misissuinermi paasisaagallartut malillugit, danskit aviisiat Jyllandsposten taamatut allaaserisaqarpoq.
Allattoq Lotte Holm
marsip 13-at 2009 06:51

Ilisimatooq Canadaminngaaneersoq Ron McNab qalasersuup nunamut sorlermut ataneqarnersoq misissuisoq Canadamiut tv-eqarfianni CBC-imi apersorneqarluni oqarpoq, maannakkut paasisat inernerugallartuusut tamannalu erseqqissarpaa, oqarlunilu Danmark patsisissaqarluartoq oqassalluni qalasersuaq Kalaallit Nunaata nunavittaata ilaanut ataneqarmat.

Ron Mcnab Canadami nunarsuup sannaanik ilisimatusarfimmi Geologisk insitut-imi sulivoq Canadamiullu issittoq pillugu ataatsimiititaliarsuani ilaasortaasimalluni. Qalasersuarmi annertuumik gas-imik uuliamillu peqartoqarneranik isumaqartoqarpoq.

USA-imi nalunaarusiarineqartoq malillugu issittup imartaata naqqani uuliaqartoq nappartat 90 milliardit amerlaqataannik annertussuseqartumik.

Qalasersuaq nunamit sorlermit oqartussaaffigineqarnersoq qulakkeerlugu uppernarsarneqarsimanngilaq.

Qalersuaq nunamit sorlermit oqartussaaffigineqarnersoq paasiniarlugu USA Canada Rusland Norge aamma Danmark misissuisitsipput. Kalaallit Nunaat sinnerlugu Danmark misissuivoq.

Qalasersuaq nunamit sorlermit oqartussaaffigineqarnersoq ukioq 2014 nallertinnagu Naalagaaffiit Peqatigiit aalajangiiffigissavaat.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq