Nunatta nunarsuarmioqataanera soraarummeerusiaraa
Henriette Rosing Ingerlatsinermut institutimit kandidatinngorpoq, ilaatigullu Nunatsinni siunissami inuunerissuunissaq aamma nunarsuarmioqataanerup aningaasarsiornikkut sunniutai sammisimallugit.
Matumani naalakkersuinikkut suut anguniagarineqarsinnaanersut ilanngullugit.
- Assersuutigalugu Danmarkiminngaanniit aningaasanik pisarpugut. Taakkua pissutaallutik unammisassavut annertunerunngillat. Pisarsimanngitsuugutsigik unammilligassavut amerlanerujussuusimassagaluarput.
Taamaammat eqqarsaatigisariaqarparput siunissami qanoq iliussuugut. Aningaasaliissutigineqartartut ikilineqassappat, imaluunniit akileraarutit qaffanneqassappat. Imaluunniit aningaasat qanoq ililluta pissarsiariniarsarissavavut. Tamakkuupput politikeritta inuiaqatigiillu isumaliutigisariaqagaat.
Kisianni tassa poltikerit siumut isiginerusariaqartut allaaserisanni oqaatigaara, Henriette Rosing Ilisimatusarfimmi ilinniakkaminik naammassinneqammersoq taama oqarpoq.