Nunatta nittarsaanneqarnissaa tapiiffigineqarpoq

Kulturikkut nunatsinnik nittarsaassiniarlutik suliniuteqartut 60.000 koruuninik Kommuneqarfik Sermersuumi Aningaasaqarnermut ataatsimiititaliamit tapiiffigineqarput.
oktobarip 01-at 2010 13:21

Isiginnaartitsisartoqatigiit Silamiut, Inuk Media, Nunatta Katersugaasivia aamma Tupilak Travel suleqatigiillutik nunatsinni piniartukkormiunit nunarsuarmiooqataalernermut ineriartorneq pillugu isiginnaagassiamik pilersitsiniarput.

Nunatta immikkut sammineqalernissaa suliutip siunertaraa, eqqumiitsulianik kulturimillu asseqanngitsumik takutitsinissaq, isiginnaartitsisartunillu/multimedialerisunik ataavartumik angalasartussanik pilersitsinissaq.

Angalasartussat Nunani Avannarlerni, Europami, USA-mi Canadamilu angalasassasut pilersaarutaavoq.

Kalaallit suliffeqarfiutaat anginerit suleqatiserinissaat suliniummik suliaqartut aamma pilersaarutigaat, soorlu suliffeqarfiit tuniniaanerminnut atatillugu saqqummersitsinerni pingaarutilinni peqataanerannut atatillugu isiginnaartitsinissamik neqerooruteqarfiginiarlugit pilersaartut.