Nunatta Nakorsaanera: - Ikippallaat akiuussusertipput – ajornartorsiutaavoq
Ukiuleqaaq, taamaammat nappaatit corona influenzallu takkuttussaapput. Nunatta nakorsaanera Henrik L. Hansen oqarpoq.
- Taamaammat kikkulluunniit 65-inik ukioqalereersut napparsimasullu perululersinnaasut akiuussusertinnissaat pingaartorujussuuvoq, oqarpoq.
Taamaammat aamma akiuussusersuineq aallartipparput.
- Nuallulernermi akiuussusertissimaneq pingaaruteqarluinnarpoq, akiuussusertissimagaluaraanniluunniimmi tunillatsittoqarsinnaavoq, aamma misilittakkat takutereerpaat akiuussuserneqarsimaneq perululernissaraluamut pinaveersaataasartoq.
Nuummi arfininngormat ornigulluni akiuussusertikkuartorsinnaaneq periarfissiissutigineqarpoq, kisianni kapitikkiartortut ikittuinnaasimapput.
Amerlanerit ornigunnissaat nunatta nakorsaanerata kajumissaarutigaa:
- Akiuussusertinniartut maannamut ikipput. Tamanna ajornartorsiutaalersinnaavoq, qularinngilarpummi nualluutit influenza coronalu ukioru maani kaaviiaalissasut, nunatta nakorsaanera Henrik L. Hansen KNR-imut oqarpoq.
Inunnut 65-inik ukioqalereersimasunut aamma inunnut nappaateqartunut perululersinnaanermullu qanittunut akiuussusertinnissaq kajumissaarutaanerpaavoq.
- Nuna tamakkerlugu akiuussusersuisoqarpoq. Sumiiffiit ilaanni ataavartumik ilaannilu piffissap ilaannaani kapuuisoqarpoq. corona.nun.gl, iserfigalugu sumi akiuussusersuinersut takuneqarsinnaavoq.