Nunatta marraa marriarineqarsinnaasoq paasineqarpoq

Nunatta marraa iluatsilluartumik sananeqarsinnaavoq.

Marriortoq Københavnimiu Jane Bailey Kangilinnguaneersorlu Kristine Markussen kiisalu Thue Christiansen Kangerlussuarmiipput marraq misilittaaffigiartorlugu, taamalu misilittaanermi Danmarks tekniske universitet-i suleqataavoq.

Marraq misilittagassaq sissamiit, nunap qaavaniit kiisalu 9 meterisut ititigisumiit tiguneqarpoq.

Marraq qassuaasaaqqat atorlugit akuiarneqarpoq qummuattaliarineqarluni, aammalu puugutaasaliarineqarlunilu kiinarpaliarineqarpoq.

Marriat parnermata 1000 gradit angullugit kissassulimmik ikuallanneqarput. Marriat inaarmata tassaalerput, marraat qillaalasut kajortut aappaluttumik kusanavissumik qalipaatillit.

Marriortut namminneq marraap assigiinngitsunut piukkunnaateqartutut nalilerpaat. Taama misilittaanerup takutippaa, nunatta marraa assigiinngitsorpaalunnut atorneqarluarsinnaalluartoq.

Erseqqissaatigineqarporli nunatsinni marraqarfiit allat suli misilittaaffigineqanngimmata.

Taamatut iluatsittumik angusaq malersorniarlugu Pisortaqarfimmiit upernaamut 2006-imi marriortunik isumasioqatigiinnissaq pilersaarutigineqarpoq. Tassani marriortut Savalimmiuneersut, Danmarkimeersut nunatsinneersullu ilaasussaassapput.

Isummersuutit

inatsisartut-sal-sep2019.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat