Nunatta kitaata imartaa kissatsinnerusimavoq
Uuttortaanerni qanittukkut ingerlanneqartuni tamanna paasinarsivoq.
Nuup avataani Fyllap Imartaani immap kissassusaa pisarnermit gradinik marlungajannik juunimi kissarnerusimavoq, manna tikillugu aatsaat taama kissartigaluni. Taama ilisimatitsivoq immamik ilisimatusartoq, Mads Hvid Ribergaard, Danmarkimi Silasiorfimmit DMI-meersoq.
Nunatta kitaani immap ukioq manna taama kissartigineranut pissutaavoq, sarfaq sakkukitsuarannguaq Tunumeersoq, kiisalu sarfaq alla sakkukinnerusoq, Irmingerstrøm, imminnut katigussimammata.
- Eqqumiiginanngitsuunngilaq umiarsuit aqqutaanni angallavinnilu ukioq-manna sikorsuaqanngivissimammat, tamannami arajutsisimanngilarput.
Sarfaq sakkukitsuarannguaq Tunuminngaaneersoq Østgrønlandsk Strøm pissutaalluni, imaq silaannarmit kissatsisinneqarsimasoq, Mads Hvid Ribergaard nassuiaavoq.
