ASSIT Nunatta Kinallu ilisimatusarnikkut suleqatigiinnertik annertusaraat
Kinap imartaanik avatangiisinillu nakkutiginninnermik qullersaqarfia, State Oceanic Administration, Kinallu Issittumi ilisimatusarnermi aqutsisoqarfia Polar Institute of China, Ilinniartitaanermut, Kultureqarnermut Ilisimatusarnermut Ilageeqarnermullu Naalakkersuisoq Nivi Olsen, pingasunngornermi maajip ulluisa aqqarnanni tikeraarpaat.
Tikeraartut Pinngortitaleriffimmut, Ilisimatusarfimmut Asiamullu aallaqqaammut paasisassarsiortinneqarput, Nivi Olsenimillu kingorna ataatsimeeqateqarlutik.
Paaseqatigiinnerulernissamut erseqqissaat, Memorandum of Understandingimik taaneqartartoq, Nivi Olsenimit, Kinamiullu siulersortaannit Chen Lianzengimit tassani atsioqatigiissutigineqarpoq.
Nunatta Kinallu akornanni Issittumi ilisimatusarnikkut suleqatigiinnerulernissaq paaseqatigiinnerulernissamut erseqqissaatip siunertaraa.
- Naalakkersuisut sinnerlugit nuannaarpunga tulluusimaarlungalu paaseqatigiinnerulernissamut erseqqissaat pilersissinnaagatsigu, taassuma takutippaa immitsinnut ataqqeqatigiilluta pitsaasumik siunissami suleqatigiissinnaanissarput tamattaalluta kissaatigisarigipput, Ilisimatusarnermut Naalakkersuisoq Nivi Olsen, tusagassiuutinut nalunaarummi taama ilaatigut oqarpoq.
