Nunatta Katersugaasivia kaattaassinermi neqeroorpoq

Kalaallit kusanartuliaat danskimit kalaallit nunaani najugaqartarsimasumik ukiorpassuit ingerlanerini pisiarineqartarsimasut Danmarkimi akitsorterunneqalerput. Nunatta Katersugaasivianit akitsorterussinermut peqataatitsiniarput, nunatta pissarsinissaa qulakkeerniarlugu.
novembarip 13-at 2008 14:23

- Taamatut kaattaassinermik tusaamasaqaraangatta suunersut misissortarpagut. Misissoreeraangatsigit nalilersortarpagut. Nalilersuereeraangatta ilumut piumanerlugit misissoqqittarpagut taamaalilluta kaattaassinermut peqataasarpugut.

Sooruna akitsorterussat amerlanerpaat Kalaallit Nunaannut utertinniarnianngilisigit?

-Kaattaassiniarnermi uani akitsorterussat inuit nammineq taakkua pigaat, taamaattumik uagut inuit pigisannik arsaarniarsinnaannginnatsigit soriarsinnaanata.

Nunatta Katersugaasivia allanit siusinaarluni pisinissaminut periarfissaqartitaava?

- Kaattaassinermi taamaaliorsinnaanngilagut, inuttaa nalunngittuugutsigu taamaaliorsimassagaluarpugut. Maannali tuniniakkat kaattaassisarfiup pigilereermagit siusinaarluta pisisinnaanngilagut, Daniel Thorleifsen taama oqarpoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq