Nunatta karsia aappaagu amigartoorujussuassaaq

Milliartit affangajaat, taalluaannarlugu 441 mio koruunit, nunatta karsiata aappaagu amigartoorutigissagai, aningaasanut naalakkersuisup Aleqa Hamondip ullup qeqqata siorna saqqummiuppaa. Nunatta karsiata aappaagu 6 milliarder koruunit missaat isertissagai missingiunneqarpoq.

Naak nunatta karsia aningaasanik amigaateqaraluartoq, Aleqa Hammond-ip akileraarutit qaffakkusunngilai.

- Siunissamut aningaasalersuivugut, aningaasanut naalakkersuisoq, Aleqa Hammond Oqarpoq:

- Ilinniartut pitsaanerusumik atugaqartinneqarnissaat pingaartipparput. Suliffissat takkussuuttut inuiaqatigiinnit inuttalersorneqarnissaat pingaarnerpaatut sorsuutigissavarput. Aammattaaq inissaqarniarnikkut ajornartorsiutit annertuut sorsuffigissagaanni, annertuumik aningaasaliinissaq pingaaruteqarpoq, Aleqa Hammond oqarpoq nangillunilu:

- Aningaasaliinerit tassaapput nunatta karsianut siunissami pitsaanerusumik atugassaqartitsisunngortussat. ingerlatsineq sukannersumik ingerlatissavarput, inuiaqatigiinnut akitsuutitigut akileraarutitigullu alleerfiunngitsumik. Nunatsinni aningaasarsiorneq pitsaasumik ingerlavoq, sulifissaaleqisut appariartorput, qaffasinnerusumik ilinniagaqartut amerlipput, kingunerisaannik inuiaqatigiinni aningaasatigut inissisimanerput patajaanneruvoq. Inuiaqatigiinni pitsaasumik atugassaqarnitsinni aningaasaliisinnaanissaq pingaartittariaqarparput, nutaanik suliassanik aallartitsisinnaavugut akissaqaratta, taamaattumik pingaaruteqarput aningaasat taakku pitsaasumik isumatusaartumillu atorluarnissaat. Aningaasaliissutaasummi amerlaninngorlutik nunatta karsianut utertinnissaat upperaarput, Aleqa Hammond oqarpoq.

Aningaasanut inatsisissatut siunnersuut unnugu radioaviisimi sammeqqissavarput.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat