Nunatta Islandimi peqqinnissamut oqartussanik suleqateqarnini annertusarniarpaa

Tamanna aalajangiusimaneqarpoq, angalaqatigiit peqqinnissamik suliaqartut ulluni kingullerni Islandimi pissutsit paasisassarsiorfigereeraallu.
Allattoq Elisa Isaksen
decembarip 05-at 2009 13:12

- Islandimi peqqinnissamik sullissineq iluarisimaarluinnarparput, matumani pineqarlutik napparsimmaviit Reykjavikimiittoq Akureyrimiittorlu. Taamaattumik Islandimiunik isumaqatigiissuteqarnerput nutarteriffiginiarparput, napparsimasullu ingerlaannartumik suliarineqartariaqartut 2010-mi Islandiliartittalerniarpavut, taama oqarpoq peqqissutsimut naalakkersuisoqarfimmi pisortaq Ann Birkekær Kjeldsen, Islandimut angalaqataaqqammersoq.

Aallaqqaammut naatsorsuutigineqarpoq, napparsimasut ingerlaannaq suliarineqartariaqartut ukiumut 70-it missaanniittut Islandiliartinneqartassasut.

Tamatuma saniatigut Nunatsinni Islandimilu peqqinnissamik suliaqartut paarlaateqatigiittarnissaat aamma pilersaarutaavoq.

Islandimi peqqinnissamik suliaqartunik suleqatiginninnissaq pillugu unnugu radioaviisimi annerusumik sammisaqassaagut.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq