Nunatta Isiginnaartitsisarfiani pisortaq siulleq

Isiginnaartitsisartoqatigiinni Silamiuni siornatigut isiginnaartitsinermi pisortatut sulisimasoq Svenn B. Syrin Nunatta Isiginnaartitsisarfiani pisortatut oktobarip aallaqqaataanniit atorfinippoq.
Allattoq Elisa Isaksen
oktobarip 12-at 2011 09:16

Svenn B. Syrin, 63-inik ukioqartoq Norgemiuuvoq, Oslomi isiginnaartitsinermut ilinniarfimmi Statens Skuespillerskolemi ilinniagaqarsimasoq. Ilinniagaqareernermini Norgemi isiginnaartitsisarfinni assigiinngitsuni isiginnaartitsissusianilu assigiinngitsuni suliaqartarluni.
Taanna Silamiuni isiginnaartitsinermut pisortatut 2005-imi sulilerpoq, isiginnaartitsissutini assigiinngitsuni ilaatigut ilitsersuisutut isiginnaartitsissusiortutullu suliaqartarluni.
Nunatsinni isiginnaartitsisartoqarnikkut inatsit januaarip aallaqqaataani atuutilermat Svenn B. Syrin Silamiuni pisortaagallartutut sulivoq.
Nunatta Isiginnaartitsisarfiani pisortatut ukiuni sisamani atorfinitsinneqarpoq. Atorfimmilu tassani siulersuisut isiginnaartitsisartullu suleqatigalugit isiginnaartitsisarfimmik ineriartortitsinermik siuttuussalluni, soorlu aamma isiginnaartitsisartut ilinniarfissaannik ilusilersueqataassasoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq