Nunatta isiginnaartitsisarfia qanoq ateqassava?
Nunatsinni Isiginnaartitsisarfik qanoq ateqassava, arlaannik siunnersuutissaqarpit? Apeqqut taanna isiginnaartitsisoqatigiit Silamiut tamatsinnut maanna apeqqutigaat.
”Silamiutoqqat” nunatta qutsavissaqarfigeqai, siumulli isigisariaqarpugut, Nunattalu Isiginnaartitsisarfittaava, nunatta tamarmi isiginnaartitsisarfissaa, nutaaliorluta ineriartortittariaqarlutigu. Inuttaasut isiginnaariartartullu tamarmik , meeraaqqaniit inuusuttunut , inersimasuniit utoqqarsuarnut Isiginnaartitsisarfittaamik piginneqataasariaqarput.
Nunatta Isiginnaartitsisarfia tassaassaaq innuttaasut tamarmik piat, aatsaalli taamaalersinnaavoq inuttaasut isiginnaariartartullu qanimut isumasiortarnerisigut aamma angalaarluni isiginnaartitsiartorfigisarnerisigut. Aallarniutissatut suna alla qaninnerpaasinnaava Isiginnaartitsisarfiup atissaanik isiginnaariartartut aperinissaaninngaanniit?
-Tamakku tunngavigalugit siulersuisut atissamik unammisitsiniarlutik aalajangerput”, Nunatta Isiginnaartitsisarfiani siulersuisuni siulittaasoq Juaaka Lyberth oqarpoq.
