Assi: Nûno Isbosethsen

Nunatta imartaata uuttortaqqinneqarnera kinguaattuussangatinneqartoq

Nunatta imartaa tamakkerlugu nutaamik uuttortarneqarnera qaqugu piariissanersoq suli nalunarpoq. Danmarkimi naalagaaffiup ataani nunamik uuttortaasarfik, Geodatastyrelse, KNR-imut taama paasissutissiivoq.

Nunatsinni imartat tutsuiginarnerusunik qaqugu asseqalernissaat suli ullulerneqanngitsoq Danmarkimi naalagaaffiup ataani nunamik uuttortaasarfiup, Geodatastyrelsenip, erseqqissaatigaa.

Danskit naalagaaffianni suliffeqarfiit 4000-it Københavnimiit nunat ilaanut allamut nuunneqalersut ilaattut Geodatastyrelse Aalborgimut nuunneqassasoq danskit aviisianni Politikenimi allaaserineqarmat tamanna paasinarsivoq.

Aamma atuaruk Nuussinissaq Nunatsinnut neriorsuummik aarlerinaateqarpoq

Geodatastyrelse Aalborgimut nuunneqalermat nunatsinni immap assiliornerata piffissaq eqqorlugu naammassinngitsoorneqalernersoq aarleqqutigineqarpoq.

Uuttortaasartut arlallit, nunatta imartaanik immikkut ilisimasallit, suliffitsik malillugu Aalborgimut nooqataanianngillat.

Nunattalu imartaanik uuttortaanermik kinguaattoorfiussammat, Folketingemi ilaasortap Inuit Ataqatigiinneersup Aaja Chemnitz Larsenip ajuusaarutigaa.

Aamma atuaruk Nunarput nutaamik nunap assiliorneqassaaq

Angalasunummi ulorianartorsiortitsisinnaammat, taanna isumaqarpoq.

- Sunniuteqassaqaaq, naggaterpiaatigullu inuit inuunerannik naleqarsinnaalluni. Angalasummi immap assinganik nutaaliaasumik elektroniskiusumillu atortorissaaruteqanngikkunik ulorianartorsiulersinnaapput, Aaja Chemnitz Larsen oqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat