Nunatta ilarujussuani internettimut attaveqanngitsoq

Nunatta annerpaartaani internettimut piffissami matumani attaveqanngilaq. Tamanna USA-p kangiata avannaani New Hampshiremi kabelimik nunakkoortumik kittorartoornermik pissuteqarpoq.
Allattoq Christine Hyldal
maajip 22-at 2019 14:58
Nutserisoq Connie Fontain

Nutarterneqarpoq nal. 15:45: Internetti qaqugu aaqqissanersoq suli nutaarsiassaqanngitsoq, Tele-Postimi attaveqaqatigiinnermut sulisoq, Paarnaq Hansen KNR-imut oqarpoq.

- Ajoqutaa aaqqiiviginiarneqaleruttorpoq, nutaamik tusagaqarnissarput utaqqivarput, Paarnaq Hansen oqarpoq.

- Internettimut attaviit ajornerat pissutigalugu akiliutit ajorsinnaapput. Akiliutit ilaat atorneqarsinnaapput pisinialli ilaat akiliummik akiliisinnaanngillat.

Internettimut attaviit aaqqinniarneqartut, TELE-POST-ip KNR-imut ilisimatitsissutigaa, iluarsiniarnerali qanoq sivisutigissanersoq piffissami matumani ilisimaneqanngilaq. Internettimut mobildatamiillu attaviit Nunatta kujataa kiisalu Nunatta kitaani avannaanilu Qaanaami Pituffimmilu qaammataasatigut attaveqartut minillugit attaveqanngillat.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq