Nunatta eqqartuussisuunera: Inuit akornanni saqitsaannerit pillugit suliassat eqqartuussivinniiginnarlik

Nunatsinni eqqartuussivinni  saqitsaanneq pillugu suliassat ilimagisamit amerlannerunngitsut oqaatigineqaraluarpoq. Taakkua 580-it missaannaannipput.  Taakkuami affaata missaannik amerlassuseqartut siullermik nalunarutigineqaraluarpoq.

Taamaattumik saqitsitaannerit pillugit suliat  nunatsinni eqqartuussivinnit Kalaallit Nunaani eqqartuussiveqarfimmut  nuunneqarnissaanut nunatta  eqqartuussisuunerata Søren Søndergaard Hansenip tunngavissaqarsorinngilaa.

Suliat eqqartuussivinnit nunatta eqqartuussiviani suliarineqartalernissaannut allannguutissatut siunnersuut folketingemi suliarineqalerpoq.

Inatsisip allanngortinneqarnissaannut aallaviusoq tassaavoq saqitsaannermi suliat eqqartuussivinni aalajangiiffigineqarnissannut utaqqisut 1300-nik amerlassuseqarmata.

Suliassat taama amerlatiginerat  pissutigalugu  inatsisip allanngortinneqarnissaanut kalaallit danskit politkerii sulillutik aallartipput,  saqitsaannermi suliat eqqartuussivinnit nunatta eqqartuussivianut nuunneqarnissaannut.

Saqitsaannermi suliat kiseqqissaarneqarnerisa kingorna nunatta eqqartuussisuuneqarfianit  kukkusumik kisitsisoqarsimasoq  - saqitsaannermilu suliat 580inik amerlassuseqartut.

Siunersuut taama itsillugu akuerineqartariaqanngitsoq nunatta eqqartuussisuunera Søren Søndergaard Hansen isumaqarpoq.  

Siunnersuutigineqartumi pineqartut tassaapput saqitsaanermi suliassanngortitat.  Suliassat taakkua eqqartuussivinni suliarineqartussapput.

Saqitsaannermi suliat eqqartuussivinnit nunatta eqqartuussiveqarfianut nuunniarneqarnerat eqqarsarnartoqartippata, nuunneqarpata sutigut iluaquteqassanersut  takusinnaanngilara, Søren Søndergaard Hansen oqarpoq.

Saqitsaannermi suliat amerlassusaat maanna naatsersorneqarsimalerput taakkualu suliarineqartarnerisa ajorisassaanngitsumik sivisussuseqarnissaat naatsorsuutigineqarsinnaavoq, Søren Søndergaard Hansen oqarpoq.

Saqitsaanermi suliat eqqartuussivinni suliarineqartarunnaarpata akiitsunik sulianut kinguneqalissaaq.

Saqitsaanermi suliani akiligassanut suliat siornatigut suliarineqartarnikuupput  taakkua sukkasuumik suliarineqartarput  -  eqqartuussivimmi suliarineqareerlutik akiitsut  ingerlaannartumik akiligasanngortinneqartarlutik.

Eqqartuussiviit Kalaallit Nunaannilu eqqartuussiveqarfiup assigiinngissutai  2010-mi aaqqissuusseqqinnerup kingorna tassavoq Kalaallit Nunaanni eqqartuussiveqarfimmi inatsisilerituumik eqqartuussisumik atorfinititsisoqarmat.

Eqqartuussivinni eqqartuussisartut inatsisilerituutut ilinniarsimasuusariaqanngilllat  taamaattorli immikkut ilinniartinneqarlutik eqqartuussisusutut suliaqartarlutik.

Eqqartuussivinni eqqartuussisartut inatsisilerituutut ilinniarsimanngikkaluarlutik  eqqartuussinermi piumasaqaatinik pisinnaasaqarput.

- Pinerluttulerinermi inatsimmi pingaartinneqartoq tassaavoq  eqqartuussisartut najuqarfigisimanni ilisimasaqarluarnissat kalaallisullu oqaaseqartuunissaat.  

Inatsilerituut kalaallisut oqaasillit  eqqartuussivinni tamani atorfeqalersinnaanissat pivisorsiunngilaq,  taamaattumik eqqartuussvinni suliat  eqqartuusisunit kalaallisut oqaasilinnit eqqartuussisartutut ilinniarsimasunit suliarineqartarnissaannik aaqqiinermik toqqaasoqarpoq.

Eqqartuussivini suliassarpaassuaqarpoq -  nunatsinni eqqartuussisuuneq Søren Søndergaard Hansen erseqqissaavoq.  Taakunani suliarineqartartut tassaaapput pinerluttulerinermi ilaqutariinnermi akiitsoqartullu akiliisinniarneqarnerinut suliat.

Eqqartuussivinni pinerluttulerinermik suliat ikilisarneqarnissaannut aningaasaliinissamut  politikerit suliniueqartariqarput, saqitsaannermut suliat   salliutinnagit  Søren Søndergard Hansen oqarpoq. Eqqartuussivinni  eqqartuussisartutut atorfiit tamakkerlugit inuttalerneqarnissaat kissaatiginartillugu nunatsinni eqqartuussisuuneq oqarpoq.  Eqqartuussivinni eqqartuussisartut affaat inuttaqanngillat.