Nunatta eqqartuussisuuneqarfiata suliat qassiiusut sapaatip-akunnerata siuliani suliarai. Sulianilu marlunni pineqaatissiissutaasut sakkortusineqarput. Toqqorsivimmit assi.Assi: KNR

Nunatta eqqartuussisuuneqarfiata soraluaminik pinngitsaaliilluni atoqateqartoq sivisunerusumik inissiisarfimmiittussanngortikkaa

Nunatta eqqartuussisuuneqarfia Sisimiuniippoq. Angut soralussaminik pinngitsaaliilluni atoqateqarsimanini pissutigalugu sakkortunerusumik pineqaatissinneqarlunilu soralussaminut taarsiissuteqartussanngortinneqarpoq.

Nunatta eqqartuussisuuneqarfia Sisimiunut angalareerluni uteqqeqqammerpoq.

Eqqartuussisuuneqarfiup suliaqarnerata angutit marluk eqqartuussivimmi pineqaatissinneqarsimanerannik sakkortunerusumik pineqaatissiinermik ilaatigut kinguneqarpoq. Angutip aappaa pinngitsaaliilluni atornerluisimasutut aappaalu ukiukitsumik ”atoqateqarsimasutut” pineqaatissinneqarput.

Politiit tusagassiuutinut nalunaarummi taama paasissutissiipput.

Angut sivisunerusumik pinerluuteqarsimasunut inissiisarfimmiittussanngortinneqartoq

Angut Sisimiuneersoq soralussaminik 15-inik ukiulimmik pinngitsaaliilluni atornerluisimasutut ukioq manna – marsip ulluisa 12-ianni ukiumi ataatsimi qaammatinilu arfinilinni pinerluuteqarsimasunut inissiisarfimmiittussanngortinneqarpoq.

Qeqqata Eqqartuussivia taama eqqartuussuteqarpoq, angutilli eqqartuussut nunatta eqqartuussisuuneqarfianut suliassnngorteqqippaa. Taassuma pinerluuteqarsimannginnini attatiinnarpaa.

Suliarli nunatta eqqartuussisuuneqarfiata ataasinngormat aalajangiiffigimmagu angut iluaqutissarsinngilaq. Pineqaatissiissutigineqartoq sakkortusineqarpoq, angut maanna ukiuni marlunni pinerluuteqarsimasunut inissiisarfimmiittussanngortinneqarpoq, soralussaminullu 100.000 koruuninik taarsiissuteqartussanngortinneqarluni.

AAMMA ATUARUK Mand idømt forvaring for voldtægt af mindreårigt stedbarnebarn

Niviarsiaqqap ukiui aamma angutip niviarsiassallu ilaqutariittut atassuteqarnerat unnerluussisussaatitaasut pingaartuutippaat. Taamaammat angut sivisunerusumik pinerluuteqarsimasunut inissiisarfimmiittariaqarnerarlugu.

- Taamaammat nunatta eqqartuussisuuneqarfiata unnerluussisussaatitaasut piffissamik sivitsuinissamut peqqussataat malinniarlugu aalajangermagu tamanna ilorrisimaarutigeqaara, unnerluussisussaatitaasoq, Martin Dahl Fuglsang tusagassiuutinut nalunaarummi oqarpoq.

12-inik ukiulik atoqatigigaa

Eqqartuussuuneqarfiup suliaani allami angut 21-nik ukiulik eqqartuussivimmit pineqaatissinneqarnerminit sakkortunerusumik aamma pineqaatissinneqarpoq.

Taanna 18-inik ukioqarluni 12-inik ukiulimmik politiit ”atoqateqarsimasutut” nassuiaatigisaa pillugu taamani pinerluuteqaqqinngikkuni qaammatini pingasuni pinerluuteqarsimasunut inissiisarfimmiittussanngortinneqarpoq. Taakku ”aappariittut assingusumik atassuteqarsimasut” tusagassiuutinut nalunaarummi allassimavoq.

AAMMA ATUARUK Angut 51-inik ukiulik nakuuserluni atoqateqarsimanini pissutigalugu killiligaanngitsumik katsorsarneqartussanngortoq

Unnerluussisussaatitaasut suliap inerneranik ilorrisimaarinnikuunngillat, taamaalilluni suliaq nunatta eqqartuussisuuneqarfianut suliassanngorteqqinneqarluni. Eqqartuussullu matumani sakkortusineqarpoq, eqqartuussisuuneqarfiullu suliaq pinerluuteqaqqikkuni inissiisarfimmiittussanngortinneqartussaagaluartoq piumasaqaatitaqanngitsumik pinerluuteqarsimasunut inissiisarfimmiittussanngortippaa.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat