Nunatta Danmarkimut ilanngunneqarnera isumalioqatigiissitamit misissorneqalerpoq

decembarip 10-at 2004 17:10

Namminersorneq pillugu isumalioqatigiissitap nunatta 1953-mi Danmarkimut ilanngutitineqarsimanera pillugu misissuinialerpoq.

Naalakkersuisup piumasaqalernera pivoq Nunat Atlantikup avannaamioqatigiit suleqatigiissitaasa Folketingip nunatta Danmarkimut ilanngutinneqarneranut tunngasunik atuakkianik marlunnik assortuussutaalersunik saqqummersoqarmat.

Qallunaat naalagaaffiat FN-mut nipangiussisimaneranik sallulu atorlugu FN-mut apuussaqarsimasutut pisuutinneqassaaq, kinguneranik nunarput pinngitsaalillugu Danmarkip naalagaaffianut ilanngutitinneqarsimasutut.

Kalaallit Nunaat toqqaanissaminut periarfissinneqarsimanngilaq aperineqarsimananiluunniit, tamannalu isumalioqatigiissitap tungaaniit qallunaat tunngaviusumik inatsisaasa inuiaqatigiinnut kalaallinut atulersinneqarsimanera eqqarsaatigisariaqartoq namminersorneq pillugu isumalioqatigiissitat siulittaasuat Jørgen Wæver Johansen isumaqarpoq.