Nunatta Danmarkillu akornanni piginnaaneqarnerit ersernerluppallaaqaat

Danmarkip Kalalaallit Nunaatalu akornanni nunanilu taakkunani qanoq piginnaaneqarnerit ersernerluttupilussuusut takusinnaavarput. Tamannalu annertuumik kingunerlutsitsisinnaavoq, Ellen Margrethe Basse, Aarhus Universitetimi avatangiisinut tunngatillugu inatsisinut professori aviisimut taama oqarpoq.

Annaassiniarnissamut upalungaarsimaniarneq, SAR, ilaatigut tikkuartorpaa, tamannami Naalagaaffiup Kukkunersiuisuisa nalunaarusiaanni qanittukkut saqqummiunneqartumi sakkortuumik aamma isornartorsiorneqarpoq.

Issittumi malittarisassat ersarinnerusut nuussutissarsiutinik ingerlataqartunut aamma iluaqutaassapput, Dansk Industri Nunatsinni Sulisitsisut Peqatigiiffiat DTU-lu suleqatigalugit danskit kalaallillu suliffeqarfiisa attaveqaqatigiiffissaannik pilersitseqataaqqammersoq isumaqarpoq.

Attaveqaqatigiit pisortaata Niels Tanderup Kristensenip Politikenimut oqaatigaa, ilaatigut pilersitsinissamut sulinermullu inatsisit Dansk Industrip ersarissartikkusuppai.