Nunatta Canadallu akornanni uuliaqarsinnaanera ilimagineqarpoq

Nunatta Canadallu akornanni uuliaqarsinnaanissaa ilimanarsinnaavoq. Aatsitassanut pisortaqarfimmi immikkoortortami pisortaq Jørn Skov Nielsen oqarpoq:

- Nunatta kitaata imartaani uuliaqarfiullutillu gasseqarfiusinnaasut annertuut takuneqarsinnaapput, aatsitassanut pisortaqarfimmeersoq Jørn Skov Nielsen oqarpoq.

Immap naqqani uuliaqarfittut ilimanaateqarsinnaasut annertungaarmata, Canadamiut uuliasioqatigiiffiata EnCana Corporationip uuliasiornissaq siunertaralugu qillerisoqarnissaannut akuersissutinik ukiuni qaangiutereersuni tunineqarsimavoq.

- Kitaatalu imartaata naqqani uuliaqarsinnaanissaa ilimanaateqangaarmat EnCana Corporation nunatta kitaani misissueqqissaarusulluni nalunaarsimavoq, Jørn Skov Nielsen oqarpoq.

Canadap nunattalu akornanni qunnermi uulia seerisoq maluginiarneqarsimavoq. Seerineq qaammataasanit assilisani takuneqarsinnaasarpoq ulloq manna tikillugu.

Nunarsuarmi uuliap akia nappartamut ullumikkut 50 dollarit missaanniippoq. Nunattalu Canadallu akornanni uuliaqarfissuaqarsiinnaassappat uuliasioqatigiiffinnit aatsitassaqarnermullu pisortaqarfimmit ilimagineqarpoq Nordsø-p imartaanisut annerusumilluunniit uuliaqarsinnaassasoq. Aatsitassaqarnermullu pisortaqarfimmi immikkoortortami pisortap Jørn Skov Nielsenip oqaatigaa uuliaqarsinnaanissaa qulit 15 procentillu akornanniissinnaassasoq.

Canadamiut uuliasioqatigiiffiat EnCana Corporation nunatta imartaani uuliasiornerminni aningaasanik millionilikkaanik atuereerpoq.

Nunatta Canadap nunattalu akornanni uuliasiulissagaluarpat, ilimagineqarpoq 70 milliard koruuninik isertitsissutaasinnaasoq.