Nunatta Canadallu akornanni killeqarfiit pillugit aporaattoqalersinnaavoq
Issittup imartaata assiliorneqarnissaa kikkut tamarmik ulapputigalugu piginnittuuffigisinnaasaminnik ujarlileruttortut Canadap kangiani, Paggivittap Labradorillu avataa, 400 km-isut avasitsigisoq tikillugu misissuiffigaa.
Canadap misissuinera immap naqqata assiliorneqarneranik ilaqarpoq. Misissuineq 'Labradorip imartaani misissuinermik' taaneqartoq Paggivittap Labradorillu imartaasa naqqanik misissuinermik aamma ilaqarpoq.
Immap naqqatigut killeqarfilersuineq FN aqqutigalugu 2013-imi aalajangersarneqareersimasussaavoq, taamaammallu nunat issittumiittut immap naqqanik immamillu piginnittuunerminnik isumannaariniarsaripput. Canadap Atlantikup avannaani avasinnerusumik killeqarfiliorniarsarilerpat Kalaallit Nunaanneersut Frankrigimeersullu qularnanngitsumik akerlilersuisussaapput. Immammi naqqanik piginnittuuniarneq qalleraassutaasinnaavoq. Frankrig marlunnik qeqertaateqarpoq, tassa St. Pierre aamma Miquelon. Kalaallit paasissutissanik aamma katersisimapput.
Canadamiut Labradorip imartaani misissuinerat Canadamut ajunngitsunik kinguneqarpoq, ilisimatusartut pingaaruteqarnerit ilaat, Jacob Verhoef, oqarpoq, taamaattorli Canadamiit Kalaallit Nunaanniillu piumasaqaatigineqarsinnaasut assigeerataannaammata qulakkiikkamik suli inerniliisoqannginnerarpaa.
