Nunatta biskopia Bruxellesimiippoq

Nunatta biskopia Sofie Petersen Danmarkimi biskopit peqatigalugit EU-imi paasisassarsiorlutik ulluni pingasuni Bruxellesimiipput. EU-mi pingaarutilinnik aalajangiisoqassatillugu upperisarsioqatigiit katuullit sunniinniarlutik suliniuteqartarput. Upperisarsioqatigiit Lutherikkuusut aamma sunniiniarlutik suliuniuteqartarsinnaanersut apeqquserneqarmat biskopit Bruxellesimut angalapput.
Allattoq Mads Lynge
februaarip 19-at 2009 08:05

Sofie Petersen Bruxellesimiit ima oqarpoq:

- Katuullit maani assut suliniuteqarput. Apeqqutit assigiinngitsut eqqartorneqaraangata siammarterisaramik, taasinissamut sunniiniaqataasarlutik. Ilagiit Den danske Folkekirke sooq peqataannginnersoq apeqqutigineqarnikuuvoq. Taava tamanna qaqinnikooriaratsigu biskoppitut aamma angalasariaratta assigiinngitsunik paasisitsiniaasarpugut. Sunneeqataasinnaaneq pingaaruteqartorujussuummat Bruxellesimut angalavugut, Nunatta biskopia Sofie Petersen taama oqarpoq. Taanna kalaallit Bruxellesimi aallartitaqarfiat pulaarpaa, tassanilu puisut amiisa EU-mut eqquteqqusaajunnaarnissaat pillugu apeqqut paasitinneqarluni.

Jaaku Lyberth Sofie Petersenimik oqaloqateqarpoq. Oqarasuaatikkut attaveqaatip ajornera ajuusaarutigaarput.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq