Nunatta avataani qilleraluni uuliasiortoqarnissaanut sikkilerlutik akerliussutsimik takutitsisut
Sikkilerlutik akerliussutsimik takutitsisorpassuit ingerlaarnerat Ice Ridemik qulequtaqarpoq Greenpeacemillu aaqqissuunneqarsimalluni.
- Uuliasioqatigiiffiit akisussaassuseqartumik takutitseqqullugit Issittumilu qilleralutik uuliasiornissamik illersorneqarsinnaanngitsumik unitsitsinissaannik kaammattorniarlugit inuppassuit katersorpagut. Tamannami angutserlugu Danmarkimi Kalaallit Nunaannilu politikerit sukanganerusunik piumasaqaasiornissaannut pitsaanerungaatsiartumillu upalungaarsimaniartoqarnissaanik minnerpaaffittut piumasaqaateqarnissaannik kaammattorusuppagut, Greenpeacemi suliniutinik aqutsisoq Niels Fuglsang oqarpoq.
Danmarkip Kalaallit Nunaata imartaani, ilaatigut Shellip qaartitsinikkut sajuppillatsitsisarluni misissuiffigisaani, isumannaallisaanikkut upalungaarsimaniarnerat Naalagaaffiup Kukkunersiuisartuisa sapaatit akunnerata siuliani sakkortuupilussuarmik isornartorsiorpaat.
Immikkut ilisimasallit metroxpressimut oqaatigaat misissuinerit qilalukkanik qernertanik akornusersuillutillu toqorarnerinik kinguneqassasut.