Nunatta avataani ilinniartut atugaat ajuipput

Kalaallit nunani allani ilinniartuusut nunatsinnut uternissartik ajornakusoortippaat meeqqerivinni inissat agguaattarneranni malittarisassat qeratavallaat pissutigalugit. Kalaallit ilinniagaqartut Danmarkimi peqatigiiffiat Avalak Naalakkersuisunut saaffiginnippoq tamanna allanngortequllugu. Ilanngussaq tamaat aajuk.
Allattoq Noah Mølgaard
maajip 24-at 2012 09:07

Piffissami sivitsortumi oqallisigineqarpoq inuusuttut nunatta avataaniittut ilinniakkamik naammassinermik kingorna nunatsinnut utinngitsut amerlanerat. Tamannali iluarsiivigineqassappat pisortat suleriusaat eqaannerusariaqarput kalaallit ilinniagaqareerlutik angerlarniartut ikiorniarneranni.

- Ullumikkutut pissutsit itsillugit Nunatsinni inuit nalunaarsorsimaffianni allassimaleraangatta meeqqerivinniisitsinissamut aatsaat periarfissaqalersarpugut. Tamanna pissutigalugu ilisimalikkavut inuiaqatigiinni iluaqutaatikkiartorlugit angerlarnissaq ajornakusoortorujussuuvoq, Avalammi siulittaasoq Britt  Anne Nielsen oqarpoq.

Ullumikkut malittarisassat pissutigalugit ukiut marluk angullugit meeqqerivimmi inissarsinissaq nunatsinnut angerlarniartunut utaqqineqarsinnaasarpoq. Tamanna pissutigalugu angerlarnissaq kajumigineqarpiarneq ajorpoq.

- Nunatsinni ilinniartut kisermaallu pilersuisut meeqqerivinni inissanik salliutillugit tunineqartarput. Siunnersuutigaarput taakkunatulli sallinngortinneqarnissarput. Taamaasilluta kajuminnerulissagaluarput ilinniagaqareerluta angerlarnissatsinnut. Nuna ilinniarfigisarput qimakkaagatsigu ukiut arlallit ulluinnarni atukkavut pissutsillu ilinniarnermi atukkavut qimattarpavut. Taamaammat pissusissamisoortuunngilaq angerlarnissatsinnut akimmiffilersuisoqartarnera. Maanna Naalakkersuisut arlaannik iliuuseqartariaqalerput pissutsillu tamakku allanngortillugit, Britt Anne Nielsen oqarpoq.

Linki ataaniittoq toorlu ilanngussaa tamaat atuarsinnaavat. (qallunaatuujuvoq).