Nunatta aningaasarsiornera pitsanngoriartuaartoq

Nunatta siorna 2017-imi aningaasarsiornera ukiup siulianut naleqqiullugu 1 procentimik pitsanngoriarpoq. Kalaallit Nunaanni Naatsorsueqqissaartarfik tusagassiutinut nalunaarutaani tamanna atuarneqarsinnaavoq.
Assi © : KNR
Allattoq Mads Lynge
decembarip 08-at 2018 15:49

Nunami pilersitat nalillit tamakkiisut 2011-miit 2016-imut agguaqatigiissillugu ukiumut 1,6 procentinik qaffariaateqartoq kisitsisit takutippaat, taamaattorli ukiumiit ukiumut nikerangaatsiarnerat annertulluni.

Nunatsinni atuinerup annertusiartornera 2017-imi aningaasarsiornerup pitsanngoriartorneranik pissuteqartoq nalunaarutigineqarpoq, pingaartumik pisortat atuinerat annertuseriarsimalluni, soorlu aamma inuinnaat atuinerat annertuseriarsimasoq. Inuussutissarsiorfiit aningaasaliissutigisartagaat akerlianik annikilleriarsimapput.

Nunami pilersitat nalilillit tamakkiisut naatsornerani kisitsisit inummut ataatsimut siorna 2017-imi 274.100 koruuniupput, 2016-imi 271.400 koruuniusut, allatulluunniit oqaatigalugu: Nunatta aningaasarsiornera 2016-imit 2017-imut 1 procentimik pitsanngoriaateqarsimavoq.
 

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq