Assi: Simon Uldum

Nunatta aningaasaqarnera qineqqusaarutaassaaq

Nunatta karsianut aningaasanik amerlanernik isaatitsinissaq, namminersornerulerneq aammalu nunanut allanut tunngasunut politikkimut annertunerusumik sunniuteqarnissaq tassaassapput folketingimut qinersinissamut sammineqartussat ilaat. Qineqqusaarnerup aallartisimalernerani Politikkimut tunngasunut oqaaseqartartoq Naja Paulsen taama naliliivoq.

Partiit sisamat qineqqusaartussatik qineqqusaarutigineqartussallu maannakkumut saqqummiutereerpaat- Partii Naleraq amigaataavoq immaqalu Partii Inuit.

Folketingimut qinersinissap tungaanut kalaallit nunaata aningaasaqarnera danmarki peqatigalugu pitsanngorsarneqarnissaa pillugu qineqqusaartussat akillorinneqqusaatissapput.

Naja Paulsen ima oqarpoq:

- Nunatta qanoq aningaasaqarnikkut ingerlanneqarnera suli danskit politiikeriinit soqutigineqarpoq. Taamaattumik aningaasarsiornerup killiffia suli taamaatsillugu pisariaqarpoq oqallisigineqartup taassuma uteqqiaffigineqarnissaa, Naja Paulsen taama oqarpoq.

Siumumiit siunnersuutigineqarpoq, qanoq danskit suligffeqarfii amerlanerit Kalaallit Nunaannut soqutiginninnerulersitsinissaq. Inatsimmik allanngortitsinikkut pisortat namminersortullu akornanni pilersaarusioqatigiillutik isumaqatigiissusiortarnerat ajornaannerulersinneqarneratigut tamanna anguniarneqassasoq siunnersuutigineqarluni.

Namminersulernerulernissamut apeqqutip ersersinneqassasoq suliassaqarfinnik angerlaassuinissamut oqallinnerup takutikkumaaraa Naja Paulsen isumaqarpoq.

- Issittumi pissutsit, pituffik taavalu aamma aqutsinermi soorlu inatsisit assigiinngitsut uumasuuteqarnermut tunngasut suliassat ingerlaqqittussaapput oqaluuserineqarlutillu, Naja Paulsen oqarpoq.

Atassut aamma qineqqusaarnermi ilaavoq. Qineqqusaartuisami suliffissat akileraarutillu amerlanerit qulakkeerniarpaat, taakkuli anguniarpaat naalagaaffeqatigiit ingerlatsiviisa kalaallit nunaanni suliffeqarfiit atornerulerneqarnerisigut.

Siumumit demokratiniillu suliassaqarfiit danskinit ingerlanneqarnersut aamma ineriartortinneqarnersut misissorniarpaat.

IA-mit meeravissiartaartarneq pillugu inatsit aamma suliffimmi isumannaallisaanikkut pissutsit pillugit inatsit immikkut misissorniarpaat.

Mininneqassanngilarli nunanut allanut tunngasunut politikki, Naja Paulsen taama oqarpoq.

- Namminersulernikuuvugut, kisianni oqartussaaffiit arlaqartut suli danskinit oqartussaaffigineqarput, taamaattumik arlaatigut suleqatigiinnissaq suli pisariaqarluni eqeersimaartunillu ilaasortaqarnissaq suli pisariaqarluni, Naja Paulsen taama oqarpoq.

Issittoq eqqarsaatigineqartillugu partiit tamarmik sunniuteqarnerunissamik kissaateqarput. Folketingimi Kalaallit nipaat nukittunerussaaq, ilaasortaatitassallu initunerussallutik.

Atassut ataatsimiitsitaliani tallimani ataavartumik ilaasortaasalernissaq piumasariniarpaa. Demokraatit kissaatigaat, soorlu sorsunneq pillugu aalajangiinissani Kalaallit Nunaat akuutinneqarnerusariaqartoq. Inuit Ataqatigiinniillu Pituffimmut tunngasumut isumaqatigiissut isumaqatigiissutigineqaqqinnissaa kissaatigaat.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat