Nunatta aningaasaqarnera 2015-imi pitsanngoriaateqarfiusoq

Nunatta 2015-imi aningaasaqarnerata kisitsisitai Naatsorsueqqissaartarfiup saqqummiuteqqammerpai, nunattalu aningaasaqarnerata 1,7 procentinik pitsanngoriaateqarneranik takutitsipput.

Ukioq 2015 taamaalilluni Nunatta aningaasaqarnerata siuariartorfigilerpaa, aningaasaqarnermi 2013-imi -3 procentinik 2014-imilu -0,8 procentinik ajorseriartarsimammat.

Naatsorsueqqissaartarfik naapertorlugu, aningaasaqarnerup 2015-imi pitsanngoriarneranut atuineq pissutaanerpaavoq.

Nunatsinnimi tunisat ataatsimut nalingat (BNP), 2010-mi akit tunngavigalugit, 2015-imi 13,077 milliardit koruuniupput.

2012-imi, aningaasaqarnerup ajorseriarnerat siorna, 2010-mi akit tunngavigalugit kisitsisit taakku 13,365 milliardit koruuniupput, taamaammaat Nunatsinni tunisat 2012-imi ataatsimut nalingat suli anguneqaqqajanngillat.

Tunisassiornerup nalinga (BNP), akit qaffakkiartornerat peerlugu. Najoqqutarisaq: Naatsorsueqqissaartarfik

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat