Assi: KNR

Nunatta Angalatitsivia Qaqortumi immikkoortortaqarfeqalersoq

Nunatta Angalatitsiviata Ulu Travel Qaqortumiittoq novembarip aallaqqaataani atuutilersumik pisiaraa.

Nunatsinni kommunini sisamaasuni tamani immikkoortortaqarfeqalernissamik kissaateqarneq taamaalilluni piviusunngortoq, Nunatta Angalatitsivia tusagassiorfinnut nalunaaruteqarluni taama allappoq.

Angalatitsivik Nuummi, Sisimiuni, Ilulissani, Aalborgimi Københavnimi ullumikkut immikkoortortaqarfeqarpoq.

- Kommune Kujallermi immikkoortortaqalernissamut periarfissat sivisuumik misissorpagut. Ulu Travelillu pisiarineratigut Nunatsinni illoqarfinni anginerni sisamani tamani immikkoortortaqarfeqalerpugut, Nunatta Angalatitsiviani pisortaaneq Peter Bastrup taama oqarpoq.

Najârak’ Skifte Møllerip Ulu Travel Qaqortumiittoq 2010-miilli ingerlataraa, taannalu Kommune Kujallermi ukiut ingerlanerini attaveqarlualersivoq. Suliffeqarfiutimilu allamit pigineqalernera nuannaarutigaa.

- Suliffeqarfimmut anginerusumut atalernerup iluaqutissartaqarsinnaanera piffissami sivisuumi eqqarsaatersuutigaara, taamaammat suliffeqarfiup Nunatta Angalatitsivianut ilanngunneqarnera tulluartuuvoq, Najârak’ Skifte Møller, Nunatta Angalatitsiviani novembarip aallaqqaataa aallarnerfigalugu atorfinitsinneqartoq kujataanilu sullissineq allannguuteqartinnagu nangitsisussaq taama oqarpoq.

Nunatta Angalatitsivia 31-nik sulisoqarpoq.

 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat