Nunatsinnut angalaneq akisugaat
Danskit amerlasuut nunatsinnukarusuttaraluit amerlanerit akisugaaat, qiianarpallaarnerarlugulu. Nunatta takornariaqartitsiviata Greenland Tourismip misissuisitsisimanerata takutippaa.
Gruppit assigiinngitsut sisamat angalariaasiat misissuinermi paasiniarneqarsimavoq, tassa aappaqanngitsut, aappariit meeraqanngitsut, ilaqutariit, utoqqaallu.
Inuit tallimaagaangata ataaseq nunatsinnukarusuttartoq misissuinermi paasineqarpoq.
Inuit tallimaagaangata sisamat Kalaallit Nunaat taaneqaraangat, pinngortitaq alianaatsorsuartut eqqaasarpaat. 36 procentilli nunatta issittarnera aamma eqqaasarpaat.
Inuit pingasuugaangata marluk angalanerup akisuallaarnera akimmiffigisarpaat. Pingasuugangatalu ataatsip nunarput qiianarpallaarsorisarpaa.
- Misissuineq atortussatsialammik tunivaatigut, siornatigullu ilisimariikkagut uppernarsarneqaqqipput, Greenland Tourismimi tuniniaanermi pisortaq Niels Kreutzmann oqarpoq.
