Nunatsinnut angalalersut
Allattoq Carla Davidsen
aggustip 05-at 2005 10:53
Folketingip Kalaallit Nunaat pillugu ataatsimiititaliaa sapaatip akunnerani tullermi Nuummi Iluissanilu angalassaaq.
Namminersuleriartorneq, silap allanngornerata kingunerisaanik inuiaqatigiit inooriaasiata eqqorneqarnera, kiisalu nungusaataanngitsumik piniarneq – taassuma eqqartornerani tikaagullinniarneq takornariaqarnerlu eqqartorneqassapput.
Ataatsimiititaliami ilaasortat Nunatsinni angalanerminni ilaatigut naalakkersuisut siulittaasuat Hans Enoksen, inatsisartuni siulittaasoq Jonathan Motzfeldt, Namminersorneq pillugu isumalioqatigiissitat allatseqarfiat Ilulissanilu politikkikkut suliaqartut naapissavaat.
Paasisassarsiorluni angalanermi aningaasartuutit katillutik 450.000 koruuninut missiliorneqarsimaput.