Nunatsinnukaassat usigalugit ikkarlittoq
Umiarsuaq tassaavoq Reykjafoss. Taanna illoqarfimmut Argentia-mut apuuteqqammernermi kinguninnguagut ikkarlippoq.
- Inunnik ajoqusertoqanngilaq, assartukkallu aamma ajoqusinngitsut, Royal Arctic Line nittartakkamini nalunaarpoq.
Usit umiarsuarmut allamut nussorneqareerput, taakkulu maanna Islandip tungaanut assartorneqarput, kingorna Kalaallit Nunaannukartussamut piffissaq eqqorlugu apuuttussanngorlugit assartorneqarsinnaassasut ilanngullugu ilisimatitsissutigaat.
- Islandimiut assartuutaat Reykjafoss, 127 meteriusoq, ikkarlinnermini ima ajoqusertigaaq, iluarsaanneqarnini pillugu allaat piffissami sivisuumi atorneqarsinnaanngikkallassalluni, Islandimi umiarsuutileqatigiiffik Eimskip nalunaarpoq.