Nunatsinnit nuuttartut amerliartuinnarput
Ukiuni kingullerni pingasuni nuuttut amerleriarsimaqisut, Kalaallit Nunaanni naatsorsueqqissaartarfimmiit kisitsisit ersersippaat.
2006-imi Kalaallit Nunaanniit nussortut, ukiut kingulliit 15-it ingerlanerini aatsaat taama amerlatigalutik 3.000-iupput, aatsaallu Kalaallit Nunaanniit nussortut Kalaallit Nunaannut nuuttuniit taama amerlanerutigalutik tassa 644-nik amerlanerupput.
Ataatsimut isigalugu ukiuni kingullerni 15-ini Kalaallit Nunaanniit nuuttut aatsaat taama amerlatigaat, ukiunilu kingullerni arfinilinni avammut nussortut amerliartuinnarsimallutik.
Kikkulliuku nunarput qimagaraat? Kalaallit Nunaanni naatsorsueqqissaartarfimiit kisitsisini Radioaviisimi pisatsinni takusinnaavagut Kalaallit Nunaanni inunngorsimasut Kalaallillu Nunatta avataani inuusimasut nunanut allanut nuuttartut qanoq amerlatiginersut.
Kisitsisit takutippaat Nunatsinni Nunattalu avataani inunngorsimasut ingammik ukiuni kingullerni arfinilinni amerliartuinnarsimasut. 2004-mi Nunatsinniit nuuttut Nunatsinnut nuuttuniit 236-nik amerlanerusimasut, 2006-imi Nunatsinniit nuuttut pingasoriaatingajammik amerleriarsimapput, tassa 644-t Kaalaallit Nunaat qimassimagamikku.
Assersuutigineqarsinnaavoq timmisartorsuit Danmarkiliartaatit pingasut ulikkaarlugit aallartut ilaasoqaratillu uterlutik.
