Nunatsinnit Islandimiillu suliffiit kattuttut
Ukioq manna taamaattoqarpoq. Suliffik 350-nik mekanikeringiørinik sulisoqartoq, Verkis, aamma Nuummeersoq S&M kattupput.
- Pingajussaa tamaaniippunga. Siullermik tamaaniinninni Søren naapippara. Immitsinnullu ilisimasarineruleratta paasivarput suleqatigiilluarsinnaassalluta, Verkissimi immikkoortortaqarfimmi pisortaq, Jon Palmason, nuannaaqaluni oqarpoq.
Eqqartugaa, Søren, tassa Søren Schjødts-Hansen, suleqarfeerannguup pingasunik sulisullip, S&M Ingeniørit Siunnersuisartut pisortaat.
Suliffeeraq nuumminngaanneersoq Verkissilu qanitsukkut peqatigiilerput.
- Uagut taakku ikiorpagut annerusumik suliaqarsinnaanngorniassammata.
Verkis Nunatsnni annertuunik suliaqarnikuuvoq. Assersuutigalugu erngup nukinganik nukissiorfiit pingasut suleqataaffigisimavaat, Taavalu aamma Nuummi angisuumik sanaartornikuullutik.
London Miningip saviminissamik piianissaannut akuersissummik tunineqarnerata kingorna Nuup kangerluani sanaartornerit arlallit aallartinneqarnissaat qanillivoq.
Suliffiillu Nuummi attavillit suliassineqarnissamut periarfissaginerussasut, Jon Palmasson oqarpoq.
Verkissillumi suliassinneqarnissamut perriarfissagissaarnerulerniissaa anguniarlugu, Nuummi suliffeqarfimmut kattussimanera, taassuma isertunngilaa.
Suliffeqarfiit Nunatsinneersup Islandimeersullu suleqatigiinniarnerat ajornakusoorsimangilaq, nunat taakkua akornanni timmisartukkut attaviginnera pissutigalugu.
- Reykjavikkiminngaanniit Nuummut toqqaannartumik timmisartoqartarnera suleqatigiinnitsinnut piuminarsisitsivoq. Sapaatip akunnerani marloriarluta Reykjavikkiminngaanniit Nuummukarsinnaasarpugut, Jón Palmasson oqarpoq.