Nunatsinnit Bermudamut

Piffissaq qanillivoq nunatsinniit timersortartut 84 nunatta erfalasua nittarsaanissanut aallarnissaat. Timersuutit uku aallartitaqarniarput sulorartartut, isikkamik arsaatartut, volleyballertartut, triathlonertartut, golfertartut aallaasartartullu.
Allattoq Nutaarsiassaqartitsivik / Nyhedsredaktionen
juunip 27-at 2013 07:11

Qeqertaararmiut unammiualeraangata nunarput ilaatitaqartuartarpoq soorlu savalimmiormiut aamma ilaasartut. Tamanna pissaaq juulip 13-ianit 19-iata tungaanut.

Timersuuti ilaat qeqertaaqqat unammiuanginnerini allaniit sungiusariarlutik aallajaarnerusarput.

Unammisassat saniatigut aqqusaagassaapput, angalangaatsiarneq, qeqertami ornitassami kiassuaq, nunatsinni ulluinnarsiutaangitsoq.

Qeqertaaqqat unammiuarnerisa nalaanni timersoqatigiit kattuffianiit Facebook atorlugu unamminerit inernerinik assinillu ikkussuisarumaarpugut. Taammaattumik Facebook aqqutigalugu malinnaagina.

Nunarput sinnerlugu unammiuarnerni ilaatitaqartillugu nunatsinni nunaniluunniit allani, sineriatsinni peqatigiiffinni nammineq piumassutsiminnik suliallit sungiusaassut aqutsisullu suliai pillugit nersualaarneqartariaqarput.

Unammisaqattarnerit nittartagaq una aqqutigalugu aamma malinnaasinnaavutit: natwestislandgames2013.com

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq