Nunatsinnit allanngortitsisoqarnianngilaq

februaarip 28-at 2005 10:54

Nunarput nunanit allamiunik isumaqateqarniaruni Savalimmiormiut akuersiseqqaartarnissaanik apeqqummut Savalimmiuni naalakkersuisut siulittaasuata Joannes Eidesgaardip apeqqusiinera, naalakkersuisut siulittaasuata Hans Enoksenip apeqqusinngilaa, - nunanut allanut ataatsimiititaliap innersuussutaa ingerlateqqikkitsik naalakkersuisut siulittaasuata oqaatigaa.

Hans Enoksen oqarpoq inatsisartut akuersissutaat folketingimut ingerlateqqissimagitsik, tamannalu allanngortilersaanngikkitsik. Naalakkersuisut siulittaasuat isumaqarpoq Savalimmiormiut allanngortitsiniarunik Danskit naalaakkersuisui oqaloqatigisariaqaraat.

Hans Enoksen Upernavimmiittoq taama radioaviisimut oqarpoq. Danmarkip tunngaviusumik inatsisaani allassimavoq, nunanik allamiunik nunarput isumaqateqarniaruni Savalimmiut akuersiseqqaarneqartassasoq kiisalu nunarput akuerseqaartassaaq Savalimmiormiut nunanik allamiunik isumaqateqarsimagunik. Folketingip qaqugu inatsisissaq oqaluuserissaneraa suli pilersaarusiorneqarsimanngilaq.