Danmarkimi Sønderborgi-ip avataani nunaqarfimmi Sottrupskov-ip eqqaani orpippassuarni politiit qaartiterutissanik 70-inik nassaarsimapput.
Toqqorsisimasoq kinaassusersineqartoq nunatsinniittarsimavoq, qaartiterutissallu maani tillissimavai. Angut tigusarineqartoq nassuersimavoq noqissinnaajunnaavikkami ukiutoqqamut qaartitassaminik tigusisimalluni; eqqarsaatigillualeramiulli ingasagilersimallugu.
Inigisaani misissuitillutik politiit qaartiterutissanik allanik nassaarsimapputtaaq.
Angut 30-nik ukiulik killisiorneqareernermi kingorna iperagaavoq; qaartartunulli inatsit tunngavigalugu ukiut arfillit tikillugit parnaarussaassutigisinnaavaa, Preben Westh Sønderborgimi politiineersoq DR Syd-imut nassuiaavoq.