Nunatsinniit Kinamut tikeraarneq Kina-p aviisisa annersaanni aallaaserineqartoq
maajip 26-at 2005 10:43
Kina-mi avis-it annersaanni Folkets Dagblad-imi nunatsinniit tikeraartoqarneq ullumi allaaserineqarpoq. Avisi naalakkersuisunit nakkutigineqartoq Naalakkersuisut siulittaasuata Hans Enoksen-ip Premierministerillu tullersortaata Hui Liangyu-p naapinnerat allaaserineqarpoq.
Allaaserisalli annersaani Danmarki nersualaanneqarpoq, nunarsuarmi siulliit ilagalugit Kina kunngiitsuffittut 1949-mi kommunist-it mumisitsinerata kingorna akuersaarinnissimammat.
Allaaserisamili aamma Kalaallit Nunaat nunarsuarmi qeqertat annersaattut oqaluttuarineqarpoq, aalisagarpassuaqartorlu.
Hui Liangyu aamma oqarpoq kiniserit naalakkersuisuisa Kalaallit Nunaat annerusumik niueqatigineqarnissaa tapersersorlugu, aalisakkanut aalisakkerinernullu tunngatillugu.
