Nunatsinni uuliasiornissaq Canadamit tapersersorneqalerpoq

Kisiannili - isumannaallisaaneq nunarsuarmi pitsaanerpaajussaaq. Taama oqarpoq Canadami avatangiisinut ministeri Jim Prentice nunani issittuni avatangiingisinut ministerit Ilulissani ippassaq ataatsimiinneranni.

- Kalaallit Nunaanni suliaq suliarineqartoq ajasoorutigaara. Canadap Kalaallit Nunaatalu avatangiisit pillugit uuliamillu qillerinermi sukannernerpaanik piumasaqaateqarnera isumaqatigaa, taakkunani tamani avatangiisit innarlitsaalineqarnissaat anguniagaalluni, taama oqarpoq Canadami avatangiisinut ministeri Jim Prentice.

Taassuma tassunga peqatigitillugu oqaatigaa Canada Kalaallit Nunaat assigalugu sapinngisamik qulakkeeriniarluni Nordsømi uuliamik qillerinernit ilikkagaqarnissani siunertarigaa.

- Aaqqiissutissat Kalaallit Nunaanni nassaarisimasasi uatsinnut pingaaruteqarput suliarlu qanimut malinnaavigerusupparput aammattaarlu uuliamik qillerinissat qanilliartortillugit siunissami qanoq suleqatigiinnissarput pillugu Kalaallit Nunaanni naalakkersuisut oqaloqatigaavut, taamaalilluni Canada sapinngisamik pitsaanerpaanik paasissutissinneqarniassammat, John Prentice naggasivoq.