Kalaallit Nunaata uuliaqarneranik isumalluarneq annertunerulersoq norskit nutaarsiassaqartitsivianit NTB-mit allaaserineqarpoq.
- Kalaallit Nunaanni uuliaqarneranik misissuititsisimanerup takutippaa piffissaq apeqqutaaginnalersoq, Hans Kristian Schønwandt aatsitassaqarnermut pisortaqarfimmi pisortaq, nunani avannarlerni tusagassiortunut oqarpoq. Schønwandt aamma oqarpoq akilersinnaasumik uuliamik qalluisoqalissappat minnerpaamik nappartat 2 milliardiusariaqartut.
- Nappartat uuliat 2 milliardit qallorneqarpata, nappartarlu ataaseq 20 dollarinik naleqarluni, taava Kalaallit Nunaat 70 milliard kr.-inik isertitsisinnaavoq. Norskit nutaarsiassaqartitsivianut aatsitassaqarnermut pisortaqarfimmi pisortaq Hans Kristian Schønwandt taama oqarpoq.
Maannamut misissuilluni qillerinerit arfinillit ingerlanneqareerput. Misissuinerit tallimaasut 1970-kunni ingerlanneqarput, kingullerlu 2000-mi Norskit statoilianit ingerlanneqarluni.