Nunatsinni U-18-it futsalimik pissartanngorniunnerini Disko-76-imi nivissat pissartanngorput
Nunatsinni U-18-it futsalimik pissartanngorniunnerit Ilulissani sapaatit akunnerata naanerani ingerlanneqarmata holdit arfinillit peqataapput. Unamminerit tamaasa ingerlanneqareermata Disko 76-ip Qeqertarsuarmeersup Nunatsinni pissartanngornera paasinarsivoq.
Allattoq Peter Troelsen, Simon Uldum
novembarip 11-at 2013 09:37
Peqataasut allat tassaapput I-69 Ilulissaneersoq, UB-68 Uummannameersoq aamma GGS Nuummeersoq. Ukiormanna unammillaqqinnerpaatut toqqarneqartoq tassaavoq Naja Mattaliit Broberg Disko 76-imeersoq, ukiormanna ilungersullaqqinnerpaatut I-69-imeersoq Heidi Nielsen toqqarneqarpoq kiisalu Arnarissoq Møller pissartanngortunit Disko 76-imeersoq pissartanngorniuttoqarnerani teknikkiginnerpaatut toqqarneqarluni. Fair Play pokali Inussuk 2002-mut tunniunneqarpoq.
Ileqqorlu malillugu ukiormanna holdinik toqqaasoqarpoq, tassaallutik:
Brenda Lynge, I-69
Heidi Jensen, I-69
Evita M. Grønvold, UB-68
Arnarissoq Møller, Disko 76
Nivi Lange I-69.
