Nunatsinni tuttoqarfiit marluk misissuiffigineqarput, tuttut nappaatigisartagaannit arfineq-pingasuusunit arfineq-marluk nappaatigineqanngitsut paasineqarpoq. Assi: Scanpix

Nunatsinni tuttut peqqipput – canadamiulli tuttuutaat peqqinngillat

Nunatsinni Canadamilu tuttut peqqissusaat assigiinngingaatsiartoq misissuinerup nutaap takutippaa.

Tuttunniarfiup qiteqqunnerani piniartunut nutaarsiassatsiaqarpoq: Kalaallit tuttut ajunngillat.

Pinngortitaleriffik ilisimatusarnikkut tunngasunik atuagassiami, Plos One-imi saqqummersinneqartumi misissueqataasimasoq taama nalunaaruteqarpoq. Canadamiut kalaallillu tuttuutaasa peqqissusaasa assigiinngissutaannik aatsaat siullermeertumik misissuisoqarpoq, matumanilu peqqissusaat assigiinngitsorujussuusoq takutinneqarpoq.

Nunatsinni tuttoqarfiit marluk misissuiffigineqarput, tuttut nappaatigisartagaannit arfineq-pingasuusunit arfineq-marluk nappaatigineqanngitsut paasineqarpoq. Taamaakkaluartorli piniarfiusinnaasumi immikkoortumi 3-mi (Akia-Maniitsoq) tuttut ilaat alphaherpesviruseqarsimapput.

Pisiarfiusinnaasumi immikkoortumi 2-mi (Kangerlussuaq-Sisimiut) tuttut peqqinnerpaapput. Tuttut misissorneqartut nappaatinik arfineq-pingasunik nappaateqanngillat.

AAMMA ATUARUK Northwest Territoriesip naalakkersuisuisa tuttut annaanniaraat

Canadamili tuttut peqqiilliorput. Canadami tuttoqarfiit qulit misissuiffigineqarput, tuttullu ikilingaatsiarsimapput. Pinngortitaleriffiup oqarnera naapertorlugu matumani tuttut nappaataat aamma inuit akornusersuinerat silallu pissusiata allanngoriartornera pissutaassangatinneqarput.

- Nunatsinni tuttut maannamut nappaatinik ulorianarsinnaasunik eqqugaannginnertik iluaqutigeqigaat, Pinngortitaleriffimmit, tuttunik ilisimatusartartoq Christine Cuyler oqarpoq.

Tuttut nappaataat misissuinermi misissorneqartut tassaapput Alphaherpesvirus, Pestivirus, Parainfluenzavirus type 3, Neospora caninium, Brucella suis biovar 4, Toxoplasma gondii, West Nile Virus, Bovine respiratory syncytical virus.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat