Nunatsinni tunngaviusumik inatsit Inuusuttut Inatsisartuini sammineqalersoq
Tassami 18-it 24-llu akornanni ukiullit 2017-imi Inuusuttut Inatsisartuinut peqataanissaminnut qinnuteqarsinnaalerput, tassanilu sammisassaq ima qulequtserneqarsimavoq: "Nunatsinni tunngaviusumik inatsit: Namminerisatsinnik tunngaviusumik inatsiseqalernissarput piffissanngorpa".
Peqataasussallu sammisassaritinneqartumut oqallinnginneranni Inatsisartut tamat oqartussaaqataanerallu pillugit ilisimatinneqaqqaassapput.
Isiginnaagassiamik takutitsisoqassaaq, nalorsitsaarisoqassalluni, sammisamullu immikkut ilisimasalinnit saqqummiussisoqassalluni. Aamma inuusuttut Inatsisartut ataatsimiittarfianni siunnersuutinik saqqummiussissapput illersuissallutillu.
Peqataasullu naggaataagut inaarutaasumik nalunaarummik Inatsisartut siulittaasuannut Naalakkersuisullu siulittaasuannut tunniussinissaat ilimagineqarpoq.
Peqataasussanut 36-inut inissaqartitsisoqarpoq, peqataarusuttullu oktoberip 31-iata tungaanut qinnuteqarsinnaapput.