Nunatsinni tamarmi ineriartorneq
Ataatsimeersuariartut amerlanerpaartaat tikereeraluartut angallannikkut pissutsit assigiinngitsut peqqutaallutik ualigaa arlallit suli tikissimanngillat.
Aqagu ullaakkut aqaguagulu peqataasussat sinnerisa tikinnissaat naatsorsuutigineqarpoq.
"Siulivut maani" atorneqareermat ilaasortat ukiumi qaangiuttumi toqukkut qimagussimasut eqqaaniarneqarput. Malitsigisaanik Ilulissani borgmesteri Anthon Frederiksen ataatsimiigiartunut oqalugiaammini pissakinnerit puigorneqannginnissaat eqqaasissutigaa.
Ilulissani Siumup immikkoortortaqarfiani siulittaasoq Edvard Geisler aammattaaq tikilluaqqusilluni oqalugiaammini partiimut isornartorsiuivoq:
- Ukiut kingulliit ingerlaneranni ulloq manna tikillugu partiip pisinnaasai anguniakkaminillu piviusunngortitsisarnerisa apeqquserneqartarnerat taakkartorpai.