Nunatsinni takssutissiatut atortakkat Østrigimi alutorineqarput

Kalaallit takornariatitsisartut sulinerminni atortui ilinniusianut universitetini Tysklandimi Østrigimilu ilanngussimavaat.

Takornariartitsinermut ilinniarfimmi Tourismus- und Bäderforschung Kielimiittumi pisortaq professori Martin Lohmann atuisartut sianissusaat pissusilersuusaallu pillugit ilinniartitsisarpoq. Visit Greenlandip immikkortukkaartunik takussutissiatut atortagai professor Lohmannip universitetini Lüneburgimi, Viennimi Innsbruckimilu ilinniartitsinermini atortarpai.

 

Nunatsinnimi takornariartitsisartut ilusiliaat nunani allamiut atortagaannut naleqqiullugu pitsaaquteqarnipilussuuvoq.

 

- Ilusiligaq taanna assut paasinarluinnarami, kikkulluunniit atorsinnaavaat atornissaalu ajornanngitsunnguulluni. Aappaatigulli ilisimatusarneq aallaavigalugu suliaalluni, professor Lohmann oqarpoq.

Uparuarpaa sulinermi atortussiaq tarnip pissusia aallaavigalugu suliaasoq, timillu qanoq pissusilersortarnera aallaaviummat tassani ilusilikkami taakku aallaaviusut. Taakkunani pineqarlutik takornariap soqutigisai, kulturiusinnaavoq, pinngortitaasinnaalluni imaluunniit taakku marluk. Uuttuut alla tassa takornariat inuiaqatigiinnut kalaallinut qanoq akulerukkusutsiginersut imaluunniit pinngortitamut soqutiginninnerunersut.

 

- Kalaallit Nunaanni inuiaqatigiinnut pinngortitamulluunniit qanoq akulerukkusutsigineq, imaluunniit avataa tungaaniit nakkutiginniinarneq.

 

Aamma atuaruk Nunatsinni periaaseq Savalimmiormiut ilaarniarpaat

 

Martin Lohmannip atortussiami tassani tarnip pissusiata aallaavigineqarnera assut iluaqutaanerarpaa, Kalaallit Nunaannimi pissutsinut piviusunut attuumangaarmata , taamaalillutillu takornarianut nunani assigiingitsuneersunut neqeroorutitut naleqqullutik.

 

- Tamanna isumassarsiatsialassuuvoq. Takornariartitsinermi amerlanerpaani sulinermi atortut ilusilersortagaat assut alutornartuliaasarput sulianut naleqqutinngitsut, taamaalillutillu atornissaat ajornakusoortarlutik.

Illinniartitsineq eqqarsaatigalugu aamma soqutaavallaanngilaq Kalaallit Nunaat allamiorpasilaaraluarpat. Universitetinimi ilinniartut Mallorcap Italialluunniit eqqartorneqarneranut naleqqiullugu malinnaanerulersarput.                               

- Assersuut nuannarisarpaat Kalaallit Nunaat ornitassaammat allamiorpasissoq, taamaattumik universitetimeersorpassuit Kalaallit Nunaanut takornariarnissaat ilippanarluartoq, assersuutigisarpullu aqqutigalugu attaveqatigiinnissaq ajornannginnerulissasoq professor Martin Lohmann oqarpoq.
 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat