Nunatsinni siullunneq Fontainip akiorniarpaa

Siulluttut qanoq ikilisinneqarsinnaanersut, Inuit Ataqatigiinneersoq Debora Kleist apeqquteqaat aallavigalugu oqallinnissamik siunnersuuteqarpoq. 

- Meeqqat qinngamikkut-, siutimikkut qinersimikkullu ajuuteqarlersartut ikilisarniarlugit pinaveersimatitsiniarnerit qanoq annertusarneqarsinnaanersut, Debora Kleistip paaserusuppaa.

Siullunnerup tusaaniarnikkullu ajornartorsiuteqarnerup akiorniarnerani iliuusissat nukittorsarniarlugit Peqqissutsimut Naalakkersuisoqarfik periarfissanik misissuisoq, 

peqqissutsimut Naalakkersuisoq Inuit Ataqatigiinnersoq Agathe Fontain akissuteqarluni allappoq.
Siullunnerup kingunerisartagaasa taama ajornartorsiutaatigineri pissutigalugit,
siulluttarnerup Peqqinnissaq pillugu periusissiami 2018-mit ilanngunneqarnissaa.  Naalakkersuisoqarfimmit pilersaarutigineqarpoq

- Siullunnerup qanoq atugaatiginera, meeqqaminnut qanoq kinguneqarsinnaanera aammalu siullulinginnissaq anguniarlugu nammineq qanoq iliuuseqarsinnaaneq angajoqqaanit eqqumaffiginiarneqalerpat pinngotsoorani iluaqutaassaaq, Agathe allappoq.

Siulluttartut siutaasigut kuuffilernerisigut sunniutissat Ph.d.-mik ilinniartut Danmarkimi siutip, qinngap toqqusaallu nakorsaat marluk suleqatigalugit 2015-miit 2020 misissorpaat.

Siulluttarneq pillugu Inatsisartut maajip 30-ani oqallipput.