Nunatsinni Røde Korsip immikkoortortai ilapput

januaarip 05-at 2005 05:21

Kangiani ajunaarnersuaqarneratigut ikiuerusussuseqarneq ima sakkortutigaaq Kalaallit Røde Korsiat sinerissami amerlanerusunik immikkoortortaqalissasoq suliniutigineqalerluni, Kalaallit Røde Korsiata siulittaasua, Aase Nygaard oqarpoq.

Kalaallit Røde Korsiat ullumikkut illoqarfinni sisamaannarni immikkoortortaqarpoq, tassa Nuummi, Maniitsumi, Sisimiuni aamma Ilulissani, Aase Nygaardli oqarpoq maanna Qaqortoq, Nanortalik, Aasiaat avanilu Kullorsuaq immikkoortoqalerusuttut, Aase Nygaardilu nuannaaqaaq.

Amerlanerusunik immikkoortortaqalernitsigut ajunaarnersuaqartillugu ikiuussinnaanerput sillimaffigilluarnerulissavarput, siulittaasoq oqarpoq.

Kalaallit Røde Korsiata Kangiani ajunaartunut katersugai maanna halvanden mio. koruuniupput.