Puiguttortumik naammattuuinissamut atortorissaarut nunatsinnut naleqqussagaq inriartortinneqarpoq.

Nunatsinni puiguttortut atortorissaarummik nutaamik naammattoorneqartassasut

Puiguttortunut siusissumik nakorsaasarneq, nunatsinni immikkut atoruminarsagaasumik atortorissaarusiornikkut ilisimatuut pitsaaanerulersitsiniarput.

Atortorissaarut nunatsinni puiguttortunik ajornaannerusumik naammattoorsisitsisalissaaq. Taamaammat ilisimatuut eqimattat atortorissaarummik nunatsinni atoruminarsakkamik ineriariartortitsileruttorput.

Atortorissaarutip nunap immikkoortuini napparsimmavinni sineriammilu napparsimmaveeqqani atorneqarsinnaanissaa siunertaavoq. Aalborg Universitetshospital tusagassiuutinut taama paasissutissiivoq.

Nakorsaq, Inaluk Kleist atortorissaarummik puiguttortunik naammattuuissutaasartussamik ineriartortitseqataavoq. Taassuma puiguttorneq immikkut sammillugu allaaserinikuuaa, tassungalu atatillugu misiliutit, Danmarkimi atorneqakkajuttut, nunatsinni atoruminarpallaarneq ajortut paasisimavaa.

- Puiguttortunik naammattoorsisarnissamut ilitsersuutit maligassat nunatsinni atoruminarsakkat ineriartortinniarpagut. Piffissami matumani nunatsinni atoruminarsakkamik puiguttortunik naammattoorsisarnermut atortoqanngilagut, Inaluk Kleist oqarpoq.

Kukkusumik sukuiaasarit annikillisissagai

Atortorissaarut nutaaq apeqqutinik taassuma kalaallisuumut nutsigaanik ilaatigut ilaqarpoq.

Taanna nunatsinni peqqinnissaqarfimmi sulisut puiguttornermik misissukkamut assigiimmik apeqquteqartarnissaannut qulakkeerutaassaaq.

- Taamaalilluni apeqqutit assigiinngitsumik sukuiarneqartarnerat annikillisinneqassaaq, pissutigalugu apeqqutit kalaallisut allassimassammata, nakorsaq oqarpoq.

Misiliut, maanna kalaallisuumut nutserneqareersimasoq nunatsinni puiguttornermik naammattuuinissamut misiliummik maanna atorneqartumik tunngaveqarput. Apeqqutit danskisut taamaallaat allassimasimapput misiliutillu nunatsinnut naleqqunnersut siusinnerusukkut misissorneqarsimanngitsoq, Inaluk Kleist oqarpoq. Tamannalu ilisimatuut ilisimasaqarfigilernissaa neriuutigaat.

- Tamanna misissuleruttorpara. Tassa naammattuuinissamut atortorissaarut nunatsinnut naleqqunnersoq naleqqutinnginnersorluunniit.

Velux Fonden naammattuuinissamut atortorissaarutip nutaap ineriartortinnissaanut 350.000 koruuninik aningaasaliissuteqarpoq. Inaluk Kleist taamaalilluni qaammatini arfinilinni taassuminnga piffissaq tamakkiisoq suliaqarsinnaalerluni.

- Piffissaq sivitsorneqaqqittariaqarnersoq imaluunniit aningaasanik qinnuteqqqittariaqarnersugut takujumaarparput, Inaluk Kleist oqarpoq.

Isummersuutit

inatsisartut-sal-sep2019.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat