Nunatsinni pisisoqarsimannginnera SISA-p uggoraa
Danske Bankip Grønlandsbankimi aningaasanik piginneqataassutini, 40 procentit missaaniittut Danmarkimi aningaaserivinnut marlunnut, Savalimmiunilu aningaaserivimmut ataatsimut tallimanngormat tunivai.
Sulinermik Inuussutissarsiuteqartut Soraarnerussutisiaqarnermut Aningaasaateqarfianni SISA siulittaasoq Jess G. Berthelsen oqarpoq, SISA-p pisisimannginnera uggornalaaraluartoq kisiannili siulersuisuni pisinissaq eqqartorsimanngikkitsik, naak ilisimasimagaluarlugu Danske Banki piginneqataassutiminik tunisiniarluni oqariartuuteqarnikuusoq.
Soraarnerussutisiaqalernissamik aningaasaateqarfimmi anigaasanik erniortitsinertik pitsaasuusoq aamma oqaatigaa. Ukiuni kingullerni marlunni 9 procentip missaani inissisimasimalluni.
Aningaasanillu erniortitsilluarnissaq namminneq ilaasortallu soqutiginerpaagaat oqaatigalugu. Jess G. Berthelseni aamma oqarpoq
qularutissaanngitsoq siunissami SISA-p aningaasaatai amerliartortillugit aningaaserivinni piginneqataasinnaaneq inissiisinnaanerlu annertusiartussasoq.